მოდის დიზაინის კურსი
📖 კურსის შესახებ
რა არის მოდის დიზაინი ? მოდა მხოლოდ ტანსაცმელი არ არის-ეს არის ენა ,რომლითაც ადამიანები საკუთარ ისტორიას ჰყვებიან . ოდესმე გიფიქრიათ ,რატომ გვამახსოვრდება ზოგიერთ ადამიანი პირველივე შეხვედრიდან ? ხშირად ამის მიზეზი მხოლოდ გარეგნობა არ არის .ეს არის მისი სტილი -ფერები,ფორმები,დეტალები, რომლებიც მის ხასიათს უსიტყვოდ გადმოსცემს .სწორედ აქ იწყება მოდის დიზაინის ნამდვილი მაგია . მოდის დიზაინერი უბრალოდ კაბებსა და კოსტიუმებს არ ქმნის.ის ქმნის ემოციებს,თავდაჯერებულობას და ისტორიებს .თითოეული ჩანახატი შეიძლება ერთ დღეს პოდიუმზე აღმოჩნდეს ,ფოტოსესიების ნაწილი გახდეს ან ვიღაცისთვის ცხოვრების ყველაზე მნიშვნელოვანი დღის სამოსად იქცეს . დღეს მოდა ერთ-ერთი ყველაზე განვითარებადი და მოთხოვნადი სფეროა.თანამედროვე დიზაინერს შეუძლია იმუშაოს ქართულ თუ საერთაშორისო ბრენდებთან, შექმნას საკუთარი კოლექცია , გახსნას საკუთარი ატელიე ან საკუთარი ნამუშევრები ონლაინ გაყიდოს მსოფლიოს ნებისმიერ წერტილში . თუ ფიქრობ , რომ დიზაინერი მხოლოდ ხატვას უნდა ფლობდეს,დროა ეს წარმოდგენა შეიცვალო.მთავარი არის იდეები , შემოქმედებითი ხედვა და სურვილი ,ისწავლო . ტექნიკას, ესკიზების შექმნას ,ქსოვილებთან მუშაობას ,ფერთა შეხამებას , კოსტრუირებასა და კოლექციის დაგეგმვას სწავლა შეუძლია ყველას , ვისაც მოდა გულით უყვარს . წარმოიდგინე ,როგორია ის გრძნობა ,როდესაც შენ მიერ შექმნილ სამოსს ადამანები აღფრთოვანებით უყურებენ ,ატარებენ და შეს ნამუშევარს შენი ხელწერა ეტყობა .ეს უკვე მხოლოდ ჰობი არ არის -ეს არის პროფესია რომელიც გაძლევს შესაძლებლობას , საკუთარი შემოქმედებით შექმნა წარმატებული კარიერა . თუ შენშიც ცხოვრობს ადამიანი , რომელიც ყოველთვის იზიდავდა მოდა, უყვარს განსხვავებული სტილი ,ფერებთან თამაში და ახლა იდეების შექმნა, შესაძლოა სწორედ ახლაა დრო , გადადგა პირველი ნაბიჯი .
🎯 ვისთვისაა განკუთვნილი?
კურსი განკუთვნილია როგორც დამწყებთათვის, ვისაც სურს საკუთარი სამოსის შექმნა და კერვის შესწავლა, ასევე მათთვის, ვისაც სურს საკუთარი მოდის ბრენდის დაარსება ან ატელიეში მუშაობა.
რას ისწავლით კურსის განმავლობაში
✔ მოდის ილუსტრაცია & ესკიზები
სამოსის იდეების ფურცელზე და ციფრულად გადატანა, სილუეტების აგება.
✔ ანატომია & ზომების აღება
სხეულის პარამეტრების სწორი აზომვა და პროპორციების დაცვა.
✔ თარგების კონსტრუირება & მოდელირება
ბაზისური თარგების აგება (კაბა, ქვედაბოლო, შარვალი, პიჯაკი).
✔ მასალათმცოდნეობა & ქსოვილები
ქსოვილის ტიპები, მათი თვისებები და სწორი ფურნიტურის შერჩევა.
✔ კერვის პროფესიული ტექნიკები
საკერავ მანქანასთან და ოვერლოკთან მუშაობა, რთული დეტალების დამუშავება.
✔ საკუთარი კოლექციის შექმნა
კურსის ბოლოს რეალური, მზა სამოსის შეკერვა და წარდგენა.
კურსის სილაბუსი
თვე 1 საფუძვლები, საკერავი მანქანა და მზე ქვედაბოლო ▼
- კურსის გაცნობა და უსაფრთხოების წესები სახელოსნოში.
- სხეულის პარამეტრების სწორად აღება და ანატომიური თავისებურებები.
- თარგის მნიშვნელობა, დანიშნულება და გრაფიკული ხაზები.
- საკერავი მანქანის აგებულება, მუშაობის პრინციპი და რეგულირება.
- ციფრული კონსტრუირება — შესაბამისი პროგრამის ინტერფეისის გაცნობა.
- ვორქშოპი 1: ქსოვილის სახეობები, სწორად გაშლა და ძაფის მიმართულების განსაზღვრა.
- მზე ქვედა კაბის ციფრული კონსტრუირება და თარგის გამოყენება რეალურ ქეისზე.
- ვორქშოპი 2: დამზადების ტექნოლოგიური ეტაპები (ელვა-შესაკრავის ჩადგმა, სალტის ამოჭრა და მიკერება, ღილკილოს დამუშავება).
- ნაკერების ხარისხის კონტროლი და მზა ნამუშევრის შეფასება.
თვე 2 ქალის ბლუზა და 6-ნაჭრიანი ქვედა კაბა ▼
- ქალის ბლუზის ციფრული კონსტრუირება და მოდელირება.
- ვორქშოპი 1 & 2: ციფრული თარგის გამოყენება და ქალის ბლუზის დამზადების ტექნოლოგიური ეტაპები.
- 6-ნაჭრიანი ქვედა კაბის ციფრული კონსტრუირება და თარგის ამოჭრა.
- 6-ნაჭრიანი ქვედა კაბის დამზადება და კონსტრუქციის მოდელირება 8-10 და 12 ნაჭრიან მოდელებად.
თვე 3 მამაკაცის პერანგი, სწორი ქვედა კაბა და საკუთარი კოლექცია ▼
- მამაკაცის პერანგის ციფრული კონსტრუირება და კონსტრუქციის მოდელირება.
- მამაკაცის პერანგის დამზადების ტექნოლოგიური ეტაპები (საყელო, მანჟეტები, თაროები).
- სწორი კლასიკური ქვედა კაბის ციფრული კონსტრუირება და დამზადება.
- ფინალური კოლექციის შექმნა, დეფილესთვის მომზადება და სერტიფიცირება.
პრაქტიკული პროცესი & ვიდეო მასალები
დარეგისტრირდი კურსზე
შეავსე სარეგისტრაციო ფორმა ან დაგვიკავშირდი: +995 557 12 00 29 / 599 962 972